İtaliya hökuməti ölkənin maliyyə sisteminə investorların inamını bərpa etmək və Yunanıstanın taleyini yaşamamaq üçün dövlət büdcəsini 24 milyard avro, yəni təxminən 29 milyard dollar ixtisar edib. Məqsəd 2012-ci ilə qədər büdcə kəsirini Ümumi Daxili Məhsulun 3 faizindən aşağı həddə endirməkdir.
Yunanıstan, İspaniya və Portuqaliya da oxşar büdcə ixtisarları aparıblar. Avro ölkələrindəki maliyyə böhranı avronun məzənnəsinin son 4 ildə ən aşağı səviyyəyə enməsinə səbəb olub.