Keçid linkləri

logo-print
2016, 03 Dekabr, şənbə, Bakı vaxtı 09:01

Konqresdə həbs edilmiş bloqerlər haqqında dinləmələr keçirilib


Vaşinqtonda Konqresin Mətbuat azadlığı üzrə qrupu və Amerikanın Demokratiyaya Dəstək Fondunun (National Endowment for Democracy - NED) təşəbbüsü ilə «Barmaqlıqlar arxasındakı bloqqerlər: İnternet-jurnalistlər həbsdə və ifadə azadlığının məhdudlaşdırılması» mövzusunda dinləmə keçirilib.

Konqresin adı çəkilən qrupunun həmsədri Adam Şiff bildirib ki, hazırda online redaktor və reportyorlar da daxil olmaqla, azı 68 bloqqer həbsdədir.

Bu siyahıya Çin, İran və Misir başçılıq edir. Bu hökumətlər internet jurnalistkaya qarşı savaş elan ediblər və ağla gəlməyən vasitələrlə bloqerləri susdurmağa çalışırlar.

NED prezidenti Çarl Gerşman «internet qurbanları» arasında Azərbaycanlı bloqerlər Adnan Hacızadə ilə Emin Millini də yada salıb: «Bu gənclərin hökumətin siyasətini sivil yolla tənqid etməkdən başqa səhvi olmayıb. Emin Milli və Adnan Hacızadənin həbsi Azərbaycan demokratlarını və blogerlərin yaxınlarını sarsıdıb. Gənlcərin sivil yolla satirik tənqidlərinə hökumətin cavabı qeyri-sivil - onları 2,5 və 2 il həbsə atmaq olub».

NED prezidenti əlavə edib ki, indi dünya boyunca blogerlər media nümayəndələrilə müqayisədə daha çox təzyiq altındadırlar, belə ki, onları susdurmaq üçün rejimlər müxtəlif qeyri-leqal resurslardan istifadə edirlər.

Jurnalistlərin Müdafiə Komitəsinin direktor müavini Robert Mahoney isə əlavə edib ki, internet yazarlarına qarşı zorakılıq tendensiyası avtoritar rejimləri daha da qəddarlaşdırır, onlar özlərini cəzasızlıq mühitində hiss edirlər.

Dinləmə iştikakçıları ABŞ da daxil olmaqla, dünya ölkələrini həbsdə olan blogerlərin beynəlxalq müdafiəsinə çağırıblar.

ABŞ Konqresinin mətbuat azadlığı məsələləri üzrə qrupu 2006-cı ilin mayında yaradılıb. Qrupa ABŞ Konqresinin hər iki partiya və palatasının nümayəndələri daxildir. Nümayəndələr Palatasından olan həmsədrlər Adam Şiff və Maykl Pens, Senatdan olan həmsədrlər Kristofer Dodd və Riçard Luqardır. Qrupun fəaliyyəti mətbuat azadlığının inkişaf etdirilməsinə, KİV-də senzuraya və bütün dünyada jurnalistlərin təqibinə qarşı mübarizə üzrə forum yaradılmasına yönəldilib. /Turan/

Günün bütün mövzuları

XS
SM
MD
LG