Keçid linkləri

2016, 09 Dekabr, Cümə, Bakı vaxtı 00:09
Rusiyanın işgüzar qəzeti «PBK daily»-nin verdiyi xəbərə görə, «RusNano» şirkəti 1 milyard dollar həcmində ilk beynəlxalq investisiya fondunun yaradılmasında çətinliklərlə üzləşib. Problem isə şirkətin törəmə strukturu sayılan «RusNano Capital AG»-yə kadr təyinatı zamanı yaranıb.

Belə ki, strukturun idarə heyətinə imza atmaq hüququ ilə isveçrəli hüquqşünas Hans Bodmer təyin olunub. ABŞ-da isə 2003-cü ildən onun haqqında cinayət işi qaldırılıb. Və buna görə də amerikalı investorlar «RusNano»-nun fonduna vəsait yatırmaqdan çəkinirlər.

Hans Bodmer çirkli pulların yuyulmasında və vəzifəli şəxslərə külli miqdarda rüşvət verməkdə günahlandırılır.

Nyu-York məhkəməsinin məlumatına görə, 2003-cü ildə Bodmer Azərbaycanın vəzifəli adamlarına respublikanın neft sahəsinin özəlləşdirilməsi zamanı milyonlarla rüşvət verməkdə ittiham edilərək Cənubi Koreyada həbs olunub. Müstəntiqlər hesab edirlər ki, o, bu yolla «Oily Rock» şirkətinin ARDNŞ-nin özəlləşdirilməsində iştirak etməsini istəyirmiş.

2004-cü ilin yanvarında Hans Bodmer ABŞ-a ekstradisiya edilməsinə razılıq verir və Birləşmiş Ştatlarda girovla azadlığa çıxır.

Qəzet iddia edir ki, korrupsiya və çirkli pallarla bağlı bütün sənədləri əldə edə bilib.

«RBK daily» qeyd edir ki, Hans Bodmer Azərbaycandakı rüşətlə bağlı işdə formal əsasla (ABŞ-ın rezidenti deyil) bəraət qazanır, lakin çirkli pulların yuyulmasında özünü günahkar sayır. Məhkəmənin qərarı 2010-cu ilin avqustunda veriləcək.

«RusNano»-nun mətbuat xidməti «RBK daily»-yə bildirib ki, Bodmer şirkətin qeydiyyatını həyata keçirmək üçün qısa müddətlik vəzifəyə təyin olunub və işlədiyi müddətdə heç bir mühüm qərar qəbul etməyib.

Günün bütün mövzuları

Şərhləri göstər

XS
SM
MD
LG