Keçid linkləri

logo-print
2016, 05 Dekabr, Bazar ertəsi, Bakı vaxtı 08:52
Ukraynanın Donetsk şəhərində kecirilən ifadəli qiraət müsabiqəsində Nigeriyalı Ayo Osikoya qalib gəlib.

O, Taras Şevçenkonun xatirəsinə həsr olunan müsabiqədə ukrayna müəlliflərinin şerlərini ucadan daha gözəl oxuyaraq bütün rəqiblərini geridə qoyub.

Osikoya Uktaynaya cəmi 2 il əvvəl gəlib. Lvov şəhərində 8 ay ukrayna dilini öyrənəndən sonra, Donetsk Texniki Universitetində kompüter mühəndisliyi ixtisası üzrə təhsilinə başlayıb.

Universitetin bədii klubuna yazılan Osikoyanın ukrayna poeziyasına olan marağı klubun digər üzvlərinin diqqətindən yayınmayıb. Qərara gəliblər ki, onu müsabiqəyə hazırlasınlar.

Osikoya deyir ki, Lvovdan Donetskə köçməsinə heyfslənmir, bir-birindən fərqlənsə də hər iki şəhəri çox sevir. Deyir, Lvovda daha çox mədəniyyət abidələri var idi, Donetsk isə böyük sənaye mərkəzidir.

Ukraynadakı uğurlarına baxmayaraq, Osikoyanın öz taleyini Uktayna ilə bağlamaq planları yoxdur. Təhsilini başa vurandan sonra Nigeriyaya qayıtmaq istəyir.

Ayo Osikoyun çeir oxumasından kiçik bir parçanı burada dinləyin

Günün bütün mövzuları

XS
SM
MD
LG