Görəsən, 60 yaşlı müğənnini görmək üçün nəyə görə insanlar bu qədər məsafəni qət ediblər?
Bunun bir neçə səbəbi var:
Birincisi, Ququş ölkənin 4 nəslinin ulduzu olub, ikincisi, həmin vaxt Hicri təqvimi ilə Yeni il - Novruz bayramı qeyd olunurdu və üçüncüsü, konsertin keçirildiyi məkan.
Baxmayaraq ki, nə konsertə bilet, nə də Dubaya getmək ucuz deyil, minlərlə Ququş sevər onun canlı ifasını dinləmək üçün özünü kosertə yetirib.
Ququş Tehranda doğulub. Valideynləri ayrılandan sonra atası ilə qalıb. O, müğənni və aktrisa kimi fəaliyyətinə 1960-cı illərdə başlayıb. 25 filmdə çəkilib.
Ququş nəinki İranda məşhur olub, eyni zamanda populyarlığı Yaxın Şərq və Mərkəzi Asiyaya da yayılıb. O, bir sıra məşhur ulduzlarla duet ifa edib – Rey Çarlz, Tina Törner, Şarl Aznaur və Pepino Di Kapri onlardan bəzilərdir.
Azərbaycanda Ququşun ən populyar mahnısı "Ayrılıq" mahnısı idi.
Ququş Azərbaycan, fars, ingilis, fransız, ispan, italyan dillərində mahnılar oxuyub.
Digər tanınmış musiqiçilərdən fərqli olaraq Ququş İslam İnqilabından sonra uzun müddət İranda qalıb, ölkəni yalnız 2000-ci ildə tərk edib.
Mühacirətə gedəndən sonra Ququş 6 albom buraxlb, onun son albomu «Hajme Sabz», yəni «Yaşıl Dalğa» adlanır.
