İsveç parlamenti 1915-ci ildə Osmanlı İmperiyasında baş vermiş hadisələri “soyqırım” kimi tanıyan qətnamə qəbul edib. Qətnamə bir səs fərqi ilə qəbul olunub.
Səsvermədən dərhal sonra İsveçin xarici işlər naziri Karl Bildt bəyan edib ki, qətnamənin qəbuluna baxmayaraq, məsələ ilə bağlı hökumətin mövqeyi dəyişməzdir.
Türkiyənin etiraz əlaməti olaraq, İsveçdəki səfirini geri çağırdığı xəbər verilir. İsveç Türkiyənin Avropa İttifaqına üzvlüyünə tərəfdar olan dövlətlərdəndir.