Keçid linkləri

2016, 08 Dekabr, Cümə axşamı, Bakı vaxtı 12:24
Ərəb yazıçıları arasında keçirilən nüfuzlu müsabiqə yekunlaşıb: “Ərəb Nəsri üçün Beynəlxalq Mükafat” Səudiyyə Ərəbistanından olan yazıçı Abdo Xala verilib.

Özünün “Qəsrlər boyda qığılcımlar” adlı satirik romanında Xal cəmiyyətdəki qeyri-bərabərlikdən, böyük kapitalın ayrı-ayrı əllərdə cəmləşməsinin cəmiyyətə dağıdıcı təsirindən, məmurların öz səlahiyyətlərindən sui-istifadə etməsindən, ədalətin tapdanmasından bəhs edir.

Əsərdə kasıb Səudiyyə sakinləri ilə zəngin saray əhli arasında münasibətlərdən danışılır.

Romanın adı "Quran"dan - cəhənnəmi təsvir edən ayədən götürülüb.

Mükafat yazıçıya martın 2-də Birləşmiş Ərəb Əmirliklərinin paytaxtı Əbu-Dabidə təqdim edilib. Mükafatın dəyəri 60 min dollardır.

Abdo Xal mükafatı udan ilk Səudiyyə yazıçısıdır. “Ərəb Nəsri üçün Beynəlxalq Mükafat” Londonda yerləşən Buker Mükafatı Fondu ilə bağlıdır və ona “Ərəb Bukeri” də deyirlər.

Müsabiqədə 17 ərəb ölkəsindən 100-dən çox yazar iştirak edirdi.

Abdo Xal 1962-ci ildə Səudiyyə Ərəbistanında doğulub. Ali məktəbdə siyasi elmlər fakültəsini bitirsə də, 1980-ci ildən bəri bədii yaradıcılıqla məşğul olur.

Ciddə Ədəbiyyat Klubunun direktorlar Şurasının üzvüdür. Bundan başqa yerli qəzetdə köşə yazıları yazır.

Günün bütün mövzuları

XS
SM
MD
LG