Sünnilərin qiyamçı qruplaşması olan Cundollahın lideri Əbdülmalik Riqi İranın xüsusi xidmət orqanları tərəfindən həbs edilməzdən 24 saat əvvəl ABŞ-a məxsus hərbi bazada olub. Bunu İranın kəşfiyyat naziri Heydər Moslehi deyib.
Nazir Riqinin Əfqanıstan pasportu daşıdığını və bu pasportun ona Amerika tərəfindən verildiyini bildirib. Dövlət Departamentinin sözçüsü Con Sullivan Radio Fərdaya müsahibəsində iddiaları absurd adlandırıb.