Keçid linkləri

2016, 08 Dekabr, Cümə axşamı, Bakı vaxtı 10:12
Belorusun Mənəviyyat Məsələləri üzrə İctimai Şurası Minskdə alman rok qrupu «Rammstein»in konsertinin qadağan olunması ilə bağlı qərar qəbul edib.
Qrupun konserti martın 7-nə planlaşdırılıbmış.

Bu haqda məlumatı Almaniyanın «Tagessiegel» qəzeti yayıb.

Şura bəyan edib ki, Rammstein «Belorus dövlətinin dəyərlərini dağıdır», qrupun mahnıları isə «zorakılıq, mazoxizm, homoseksuallığı və başqa pozğunluqları» təbliğ edir.

Şuranın üzvü Yazıçı Nikolay Çerqineç alman qrupunun səsyazılarını izləyərək qənaətə gəlib ki, «bu, heç bir çərçivəyə sığmır».

«Tagessiegel»in əməkdaşı Knut Kron qeyd edir ki, «Çerqineç ABŞ-la təəccübdoğuran həmrəylik nümayiş etdirib. ABŞ-da «Rammstein» qrupunun üzvləri həbsdə olublar».

«Ria-Novosti»nin məlumatına görə isə, «Rammstein» qrupunun konsertinin təşkilatçıları təminat veriblər ki, çıxış zamanı zorakılıq, qəddarlıq, pornoqrafik səhnələrin nümayişi olmayacaq.

«Rammstein» rok-qrupu 1994-cü ildən fəaliyyət göstərir. Almaniyada, eləcə də dünyada tanınmış brenddir. Əsasən almanca oxuyurlar. Repertuarı müxtəlif mövzuları əhatə edir.

Günün bütün mövzuları

Şərhləri göstər

XS
SM
MD
LG