Bu gün Moskvada Rusiyanın və separatçı Abxaziyanın müdafiə nazirləri Abxaziyada Rusiyanın hərbi bazasının yerləşdirilməsi barədə saziş imzalayıblar. Mərasimdə Rusiya prezidenti Dmitri Medvedyevlə separtçıların lideri Sergey Baqapş da iştirak edib.
Sazişə görə, bazada azı 3 min hərbçi yerləşdiriləcək.
Gürcüstan öz ərazisində hərbi baza yaradılmasını qanunsuz adlandırıb.
2008-ci ilin avqust müharibəsindən sonra Rusiya Abxaziya və Cənubi Osetiyanı müstəqil dövlət kimi tanıyıb.