Keçid linkləri

2016, 10 Dekabr, şənbə, Bakı vaxtı 11:25
Milli Kitab müsabiqəsində ilk onluğa düşmüş yazarların əsərləri bir ay ərzində kitab formasında çap olunacaq.

Müsabiqənin təsisçisi, «Əli və Nino» mağazalar şəbəkəsinin rəhbəri Nigar Köçərli AzadlıqRadiosuna bildirib ki, hələlik bu əsərlərin bir kitab olacağı, ya ayrı-ayrılıqda çap olunacağı məlum deyil:

«Bir həftə ərzində buna qərar verəcəyik. Ayrı-ayrılıqda çap etmək üçün bəzi əsərlərin həcmi çox, bəzilərininki kiçikdir. Ona görə götür-qoy edirik».
Çap olunan kitablar təkcə kitabxanalara paylanmayacaq, onların satışı da təşkil olunacaq:

«Amma əsərləri Milli Kitab müsabiqəsinin saytında yerləşdirmək niyyətində deyilik. Çünki biz kitab təbliğ etmək istəyirik. Saytda yayılarsa, kitabı alıb oxumağa maraq azalar».

Nigar Köçərli deyir ki, müsabiqənin sonuncu mərhələsinə başlanıb, bu gün və sabah əsərlərin elektron versiyası münsiflər heyətinə təqdim olunacaq. Nəticələr mayın 1-də elan ediləcək. İlk üç yerin sahibinə pul mükafatı veriləcək.

Milli Kitab müsabiqəsinə 265 əsər təqdim olunmuşdu. Onların 205-i Azərbaycan, 60-i rus dilindədir. Ekspertlər Şurası təqdim olunmuş bütün əsərləri oxuyub 20 əsərdən ibarət uzun siyahı, sonra isə ilk onluğu hazırlayıblar.

Günün bütün mövzuları

Şərhləri göstər

XS
SM
MD
LG