Keçid linkləri

logo-print
2016, 04 Dekabr, bazar, Bakı vaxtı 12:14

Rail Rzayevin yaşadığı binanın mühafizəçisi 3 il yarım cəza aldı


Bu gün Yasamal rayon Məhkəməsində Hərbi-Hava Qüvvələri və Hava Hücumundan Müdafiə Qoşunlarının sabiq komandanı, ötən il qətlə yetirilmiş general-leytenant Rail Rzayevin yaşadığı binanın mühafizəçisi Elşən Eyvazova hökm oxunub. O, 3 il 6 ay azadlıqdan məhrum edilib.

Elşən Eyvazov narkotik maddə saxlamaqda, dələduzluqda və sənədlərin saxtalaşdırılmasında ittiham olunub. Vəkili Xalid Bağırov hökmlə razılaşmayıb. Deyib ki, müdafiə etdiyi şəxs saxta ittihamlarla həbs olunub.

General Rail Rzayev ötən il fevralın 11-də qətlə yetirilmişdi. Hadisədən bir neçə gün sonra onun yaşadığı binanın mühafizəçisi Elşən Eyvazov polisin əmrinə tabe olmama ittihamı ilə inzibati qaydada 10 sutkalıq həbs olunmuşdu. Bu müddət başa çatandan sonra isə ona narkotik maddə saxlama, dələduzluq və sənədləri saxtalaşdırmaya görə ittihamlar irəli sürülmüşdü.

Günün bütün mövzuları

XS
SM
MD
LG