Keçid linkləri

logo-print
2016, 03 Dekabr, şənbə, Bakı vaxtı 10:57

Sarkisyan Qarabağ mövqeyinə görə Tehrana təşəkkür edib


İranın Xarici İşlər naziri Manuçöhr Möttəki (sağda) prezident Serj Sarkisyanla görüşür, Yerevan, 27 yanvar 2010.

İranın Xarici İşlər naziri Manuçöhr Möttəki (sağda) prezident Serj Sarkisyanla görüşür, Yerevan, 27 yanvar 2010.

İranın Xarici İşlər naziri Manuçöhr Möttəki ilə Ermənistan prezidenti Serj Sarkisyan Yerevanda Qarabağ münaqişəsinin həlli və Türkiyə-Ermənistan normallaşması prosesini, regionda sabirlik və təhlükəsizlik məsələlərini müzakirə ediblər. Ermənistan prezidentinin mətbuat xidmətindən verilən məlumata görə görüşdə Sarkisyan Tehranın Qarabağ məsələsində mövqeyinə görə İranın Xarici İşlər nazirinə təşəkkür edib.

İran rəsmiləri dəfələrlə Bakıda olarkən Azərbaycanın ərazi bütövlüyünü müdafiə etdiklərini deyiblər. Amma bu görüşdə Sarkisyan öz təşəkkürünün mahiyyətini izah etməyib.

İranın Xarici İşlər naziri Yerevana yanvarın 26-da gedib. Bu gün prezident Sarkisyanla görüşən Manuçöhr Möttəki Ermənistan-İran hökumətlərarası komissiyanın 9-cu toplantısında iştirak edir.

Sarkisyan bildirib ki, “Ermənistan İranı etibarlı tərəfdaş və regionda vacib əhəmiyyətə malik ölkə hesab edir”.

Keçən həftə Manuçöhr Möttəkinin dəvəti ilə Ermənistanın keçmiş prezidenti Robert Köçaryan da Tehranda səfərdə olub. Koçaryan İranın prezidenti Mahmud Əhmədinejadla görüşüb.

Günün bütün mövzuları

Şərhləri göstər

XS
SM
MD
LG