Keçid linkləri

2024, 29 Mart, Cümə, Bakı vaxtı 03:31

Mikloş Haraşti: «Azərbaycanda media azadlığı pisləşib»


Mikloş Haraşti
Mikloş Haraşti
«Azərbaycanda media azadlığı ilə bağlı vəziyyət pisləşib. Hüquq-mühafizə orqanlarında jurnalistləri qeyri-jurnalistika ittihamları ilə həbs etmək adəti yaranıb».

Bunu yanvarın 27-də Avropa Şurası Parlament Assambleyasında keçirdiyi mətbuat konfransında ATƏT-in media azadlığı üzrə nümayəndəsi Mikloş Haraşti bildirib.

AzadlıqRadiosunun Azərbaycanda medianın vəziyyəti ilə bağlı sualını cavablandıran Haraşti deyib ki, çox vaxt jurnalistlərə qarşı irəli sürülən qeyri-junalistika ittihamları saxta olur. O bildirib ki, iki gənc bloqqer xuliqanlıq ittihamı ilə tutulub, halbuki onların insidenti törədən yox, insidentin qurbanı olduğu görünür:

«Mən inanıram ki, prezident İlham Əliyevin elə bir səlahiyyəti və imkanı var ki, hüquq-mühafizə orqanlarına «dayan» desin, onlara xatırlatsın ki, hüquq-mühafizə orqanlarının vəzifəsi jurnalistləri müdafiə etməkdir, onları çətin vəziyyətə salmaq yox».

Haraşti Azərbaycanda diffamasiya haqqında, jurnalistlərin yazdığı məqaləyə görə həbs cəzasına məhkum edilməməsi ilə bağlı qanun layihəsinin müzakirə edilməsini alqışlayır:

«Amma bunun üçün heç olmasa əvvəlcə jurnalistlərin qeyri-jurnalistika ittihamları ilə tutulması dayandırılmalıdır».

Haraşti mətbuat konfransını Avropada medianın vəziyyəti ilə bağlı hesabat hazırlamış AŞPA nümayəndəsi Endrü Makintoşla birgə keçirib.

Cənab Makintoş bildirib ki, Azərbaycanda 2 il qabaq olub:

«O vaxt prezident İlham Əliyevlə görüşdüm. O mənə dedi ki, media ilə bağlı problemləri həll etməyə çalışırlar. Amma ötən müddətdə elə bir dəyişiklik hiss olunmur. Bizim də Azərbaycan hökumətinin qərarlarını dəyişmək səlahiyyətimiz yoxdur».

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG