Keçid linkləri

logo-print
2016, 03 Dekabr, şənbə, Bakı vaxtı 17:57
Naxçıvandakı İnsan Haqlarının İnkişafı Resurs Mərkəzinin nümayəndələri İlqar Nəsibov və Məlahət Nəsibova Avropa Şurası Parlament Assambleyasının insan haqları komissarı Tomas Hammerberqlə görüşərək ona Naxçıvanda insan haqlarının vəziyyəti ilə bağlı məlumat veriblər. Naxçıvanlı nümayəndələr Bənənyarda polisin Aşura mərasiminə müdaxiləsindən sonra kənd sakinlərinin fiziki təqzyiqlərə məruz qaldığını, həbs edildiyini bildiriblər.

Bundan başqa, insan haqları komissarına bildirilib ki, Naxçıvanda insan haqları mütəmadi pozulur, ictimai təşkilatlar və jurnalistlərin öz peşə borclarını yerinə yetirməsi üçün normal şərait yaradılmır.

Görüşdə Norveçin Helsinki Komitəsinin rəhbəri Berit Linderman və «İnsan Haqları Evi»nin rəhbəri Anna Bonde də iştirak ediblər. Onlar Naxçıvandakı vəziyyətlə bağlı beynəlxalq təçkilatların daha çox iş görməsini arzuladıqlarını deyiblər.

Norveç Helsinki Komitəsinin rəhbəri B.Linderman Hammerberqə Naxçıvanda insan haqlarının vəziyyəti ilə bağlı «Naxçıvana: qaranlıq ada» adlı hesabatını da təqdim edib.

AŞ PA-nın insan haqları komissarı deyib ki, mart ayında Azərbaycana səfər edərkən Naxçıvana da baş çəkməyi və orada ictimai təşkilat və media nümayəndələri ilə görüşməyi düşünür.

Bundan qabaq Avropa Şurasından yalnız Azərbaycan üzrə həmməruzəçi Andres Herkel Naxçıvanda olub.

Günün bütün mövzuları

Şərhləri göstər

XS
SM
MD
LG