Keçid linkləri

2016, 05 Dekabr, Bazar ertəsi, Bakı vaxtı 02:47
Yaponiyada imperator Akihito və onun zövcəsi Miçikonun iştirakı ilə şeir məclisi keçirilib.

Bu ənənə 1000 ildən çoxdur davam edir və hər il sarayda təşkil edilən poeziya məclisində yapon şeiri səslənir.

Bu ilki məclisin mövzusu – nurdur.

Məclis televiziyayla bütün ölkəyə yayınlanıb. Məclisdə sadə insanların göndərdiyi şeirlər də səslənib.

Bütün şeirlər 31 hecalı qədim yapon şeir növü olan “tanka”da yazılıb.

Akihito da öz şeirini oxuyub. Şeir cığırda bitən otlar haqındadır.

Onların üzərinə ağacların yarpaqları arasından süzülən günəş şüaları düşür. Bu səhnəni o, sarayın bağçasında həyat yoldaşı ilə gəzərkən seyr edib.

İmperator sarayının dəftərxanasına adi vətəndaşlardan 23 mindən artıq şeir daxil olub.

Onların 172-i xaricdən gəlib. Onların çoxu Amerika və Braziliyadandır.

Minlərlə şeirin arasından 10 ədəd poeziya nümunəsi seçilib və onların müəllifləri saraya dəvət edilib. Onların yaşı 48-94 arasındadır.

Yaponiya demokratik ölkədir (Konstitusiyalı monarxiya).

İmperatorun səlahiyyətləri çox məhduddur.

Ölkəni demokratik seçkilərdə qalib gələn partiyanın təmsilçisi olan baş nazir idarə edir.

Günün bütün mövzuları

XS
SM
MD
LG