Haitidə dağıdıcı zəlzələdən sonra beynəlxalq yardımın gecikməsi səbəbindən əhali arasında narazılıq getdikcə artır. Şahidlərin sözlərinə görə, bir neçə gündür ac-susuz qalan haitililər etiraz əlaməti olaraq meyitlərdən sipər yaratmaqla yolları bağlayırlar.
Zəlzələdən paytaxt Port-o-prinsin hava limanı da ciddi zədə gördüyündən xarici ölkələrin yardım və xilasetmə qruplarını daşıyan təyyarələr paytaxta enməkdə çətinlik çəkir.
Beynəlxalq Qızıl Xaç Komitəsinin məlumatına görə, zəlzələ nəticəsində 50 minədək adam həlak olub.