Keçid linkləri

logo-print
2016, 03 Dekabr, şənbə, Bakı vaxtı 06:42
İnsan Hüquqları üzrə müvəkkil Elmira Süleymanova Bakı İstintaq Təcridxanasında “Gündəlik Azərbaycan” qəzetinin baş redaktoru Eynulla Fətullayevlə, bloqqerlər Emin Milli və Adnan Hacızadə ilə görüşüb.

Eynulla Fətullayev dekabrın 29-da cəza çəkdiyi 12 saylı cəzaçəkmə müəssisəsində ayaqqabısından və gödəkcəsindən narkotik maddə tapılmasını özünə qarşı təxribat olduğunu deyib. Bunun yaxın vaxtlarda Avropa İnsan Hüquqları Məhkəməsində baxılacaq işiylə əlaqələndirib.

Qanından nümunə götürülsə də analizin nəticəsinin məlum olmadığını da ombudsmanın diqqətinə çatdırıb. İşgəncəyə məruz qalması ilə bağlı suala cavabında isə Eynulla Fətullayev deyib ki, üstündə narkotik maddə aşkar olunandan sonra 12 saylı cəzaçəkmə yerinin cərimə təcridxanasında ağır şəraitdə saxlanıb.

Ombudsman istintaqın obyektiv araşdırılması üçün baş prokurora müraciət edib.

Elmira Süleymanova Adnan Hacızadə və Emin Milliylə də görüşüb.

Bloqqerlər saxlanma şəraitindən narazı olmadıqlarını deyiblər.

Günün bütün mövzuları

Şərhləri göstər

XS
SM
MD
LG