Keçid linkləri

2016, 11 Dekabr, bazar, Bakı vaxtı 00:53

Məhkəmə Ümid Partiyasının Məzahir Pənahova qarşı şikayətinə baxacaq


MSK sədri Məzahir Pənahov

MSK sədri Məzahir Pənahov

Dekabrın 16-da Apellyasiya məhkəməsində Ümid Partiyasının MSK sədri Məzahir Pənahovla bağlı şikayətinə baxılacaq.

Partiyanın Mətbuat Xidmətinin rəhbəri Ənvər Ağazadənin AzadlıqRadiosuna dediyinə görə, MSK partiyadan namizədliyi irəli sürülən 82 nəfərin şikayətinə baxmadan onların namizədliyinin qeydə alınmaması barədə qərar qəbul edib. Ənvər Ağazadə deyir ki, MSK bu addımını şikayətlərə baxılma müddətinin bitməsilə əlaqələndirib.

«İddia vəzifəli şəxsin qanunsuz hərəkət və hərəkətsizliyinin aradan qaldırılmasıyla bağlıdır».

Ənvər Ağazadə onu da deyir ki, namizədliyini irəli sürən partiya üzvlərilə bağlı qərar noyabrın 12-də verilsə də, onlara bu barədə 14 gün sonra məlumat verilib və onlar da qanunvericiliyə uyğun olaraq üç gün müddətində MSK-ya bu barədə şikayət ediblər.

MSK-nın mətbuat xidmətinin rəhbəri Azər Sarıyev deyir ki, Ümid Partiyasının xeyli müraciətləri olub və MSK da həmin müraciətləri araşdırıb müsbət qərar qəbul edib. Amma qaldı ki, noyabrın 26-dan sonra partiyanın MSK-ya göndərdiyi şikayətlərlə bağlı səsləndirdiyi iddialara Azər Sarıyev bu iddiaları əsassız sayır.

Bələdiyyə seçkiləri dekabrın 23-də keçiriləcək. Artıq ölkədə təşviqat kampaniyası gedir.

Günün bütün mövzuları

Şərhləri göstər

XS
SM
MD
LG