Keçid linkləri

2016, 05 Dekabr, Bazar ertəsi, Bakı vaxtı 06:40

Amerikalı həmsədr Azərbaycandadır


ATƏT-in Minsk Qrupunun amerikalı həmsədri Robert Bradtke artıq Bakıdadır. Bu barədə Azadlıq Radiosuna ABŞ-ın Azərbaycandakı səfirliyinin ictimaiyyətlə əlaqə şöbəsinin rəhbəri Terri Devidson deyib.

O bildirib ki, Bradtke görüşlərə başlamaq üçün Minsk qrupunun Fransa və Rusiyadan olan həmsədrlərinin gəlişini gözləyir. Yuri Merzlyakov və Bernar Fasienin Bakıya axşam saatlarında gələcəyi gözlənilir.

Rəsmi görüşlər dekabrın 11-də keçiriləcək. Həmsədrlərin prezident İlham Əliyev və Xarici İşlər naziri Elmar Məmmədyarovla görüşləri nəzərdə tutulur.

Görüşlərdə Dağlıq Qarabağ münaqişəsinin tənzimlənməsinə dair «Madrid prinsipləri»nin həmsədrlər tərəfindən yenilənmiş variantı və Azərbaycan və Ermənistan prezidentlərinin növbəti görüşünün təşkili məsələsi müzakirə olunacaq.

Günün bütün mövzuları

XS
SM
MD
LG