İran bu gün 1953-cü ildə Şah rejimi dövründə qətlə yetirilmiş 3 tələbənin xatirəsini yad edir.
Ölkə müxalifəti tərəfdarlarını Tələbə Günü münasibətilə dövlətin mitinq keçirəcəyi meydana toplaşmağa çağırıb. Polis və İnqilab Keşikçiləri Ordusu hər hansı qanunsuz etiraz aksiyasının qarşısının qətiyyətlə alınacağını bildirib. Hökumət xarici medianın Tələbə Günü münasibətilə keçiriləcək mitinqi işıqlandırmasını qadağan edib.
Bazar günü müxalifətin lideri Mirhüseyn Musəvi deyib ki, hakimiyyətin bütün təzyiqlərinə baxmayaraq, islahatçı hərəkat ayaq üstdədir.