Keçid linkləri

2016, 06 Dekabr, çərşənbə axşamı, Bakı vaxtı 22:08

«Günləri sayıram ki, deputatlıq müddəti tez bitsin»


Xalq yazıçısı Əkrəm Əylisli

Xalq yazıçısı Əkrəm Əylisli

«Bizim Yol»: Xalq yazıçısı Əkrəm Əylisli növbəti parlament seçkilərində namizədliyini verməyəcəyini bildirir: «Çünki görürəm ki, mənim deputat olmağım bəzi jurnalistlər üçün ciddi problemə çevrilib. Problemləri başlarından aşan jurnalistləri belə bir izafi problem qarşısında qoymaq, əslində heç insafdan da deyil».

«Yeni Müsavat»: «Azərbaycan üçün yeni risklər, eyni zamanda yeni imkanlar yaranıb».

Müsavat başqanı İsa Qəmbər «Cənubi Qafqaz bölgəsində geopolitik durum: yeni risklər, yeni imkanlar» mövzusunda dəyirmi masada çıxışında belə deyib.

«Azadlıq»: «Bloqqerlərin həbsi şərin təzahürüdür»

Yazıçı Rafiq Tağı: «Hökumətin qucağında oturuan yazar həqiqətdən vaz keçməli olur».

«Yeni Azərbaycan»: Azərbaycan ÜDM və sənaye məhsulları istehsalı üzrə MDB məkanında liderdir.

MDB Dövlətlərarası Statistika Komitəsinin məlumatına görə, Azərbaycan MDB məkanında yeganə ölkədir ki, sənaye məhsulları istehsalında artım əldə edib.

«Bakı Xəbər»: Paytaxtda qorxunc geyimli uşaq və yeniyetmələrin sayı artır

Uşaq və yeniyetmələr neqativliyə daha çox meyl göstərir, daxili boşluğu doldurmaq üçün hər şeyin «dadına baxmaq» istəyirlər. Axır vaxtlar tez-tez uşaq və yeniyetmələrin aqressivliyindən danışır, onların özünə qapıldığını deyirik. Şübhəsiz ki, bu da səbəbsiz deyil

«525-ci qəzet»: «15 yaşında qızın intihar faktına aydınlıq gətirilməlidir»

«Hüquq-mühafizə orqanlarından Quba rayonunda 15 yaşında qızın intihar etməsi faktına aydınlıq gətirmələrini tələb edirəm». Parlamentin İnsan hüquqları komitəsinin sədri Rəbiyyət Aslanova belə deyib.

«Ədalət»: Əli Əhmədovun mesajı

Bələdiyyə seçkilərinin vaxtı yaxınlaşdıqca hakim partiya daxilində narazılıqların yaranması barədə məlumatlar müxalifət mətbuatında daha çox özünə yer alır.

«Şərq»: Əhməd Davudoğlu Afinada çıxış edib

«Ölkələrin ərazi bütövlüyünə riayət olunması bütün nizamlanmaların əsasını təşkil edir».

Günün bütün mövzuları

XS
SM
MD
LG