Bu gün Avropa Şurası Nazirlər Komitəsinin “Aqo” qrupu Azərbaycan müxalifətinin rəhbərləri ilə görüşüb. Görüşdə Müsavat, Xalq Cəbhəsi, Liberal, Vətəndaş və İnkişaf, Demokrat, Ümid partiyalarının və “Azərbaycan Naminə” İctimai Forumun rəhbərləri iştirak edib.
“Azərbaycan Naminə” İctimai Forumun prezidenti Eldar Namazovun verdiyi məlumata görə, görüşdə Azərbaycanın Avropa Şurası qarşısında götürdüyü öhdəliklərin yerinə yetirilmə vəziyyəti, demokratik institutlar, seçki, mətbuat azadlığı və həbsdə olan jurnalistlər, o cümlədən bloggerlərlə bağlı məsələlər müakirə olunub.
“Aqo” qrupunun üzvləri dünən həbsdə olan jurnalistlər Eynulla Fətullayev və Qənimət Zahidə də baş çəkib.