Keçid linkləri

2016, 10 Dekabr, şənbə, Bakı vaxtı 14:53

Bu dəfə piyadalar cərimə olunacaq


Bakı şəhər Dövlət Yol Polis İdarəsinin təhlükəsizlik aylığı

Bakı şəhər Dövlət Yol Polis İdarəsinin təhlükəsizlik aylığı

«Diqqət! Piyada!» Bu deviz altında Bakı şəhər Dövlət Yol Polis İdarəsi noyabrın 16-dan təhlükəsizlik həftəsinə başlayır. Bu barədə AzadlıqRadiosuna məlumat verən Respublika Dövlət Yol Polis İdarəsinin İctimaiyyətlə əlaqələr şöbəsinin rəhbəri Ərəstun Məcidovun sözlərinə görə, aksiya əsasən piyadalara yönəlib:

«Tez-tez piyadalar yolu nəzərdə tutulmayan hissədən keçirlər, nəqliyyatın hərəkətinə maneə yaradırlar».

Bu aksiya çərçivəsində yol-hərəkət qaydalarını pozan piyadalar inzibati məsuliyyətə cəlb olunacaqlar. Ərəstun Məcidov deyir ki, onlar yol-hərəkət qaydalarını ciddi şəkildə pozan piyadalara həm də kadrlar göstərəcəklər:

«Bunun üçün xüsusi avadanlıq quraşdırılmış mikroavtobus ayrılıb. Qaydanı pozan piyadaların 15-16 nəfəri bu avtobusa mindiriləcək və onlara piyadaların üzləşdiyi qəzalarla bağlı sənədli kadrlar göstəriləcək. Ümid edirik ki, yol-hərəkət qaydasını pozması nəticəsində piyadanın üzləşə biləcəyi halları görəndən sonra adamlar daha diqqətli olacaqlar».

Günün bütün mövzuları

Şərhləri göstər

XS
SM
MD
LG