| Bir anlıq təsəvvür edin ki, anasınız, uşağınızı oyun meydançasına aparmısınız. Orda uşaq yelləncəyində oturan gəncdən xahiş edirsiz ki, mümkündürsə dursun, uşaqlar yellənmək istəyir. Bunun qarşılığında o kişi sizin üstünüzə qışqırır. Başınızdakı hicaba işarə vuraraq, sizi islamist, terrorçu və fahişə adlandırır. Bu əhvalat Almaniyada, Drezden şəhərində uşağını oynamağa çıxaran misirli Mərvə əl-Şirbinin başına gəlib. Mərvə polisə şikayət edib. Polis bu təhqirlərə yol verən 28 yaşlı Aleksandr Vinsi 780 avro cərimə edib. Amma əhvalat bununla bitmir. Vinsə verilən bu cəzanı az görən əl-Şirbini və əri məhkəməyə müraciət edirlər. İyulun 31-dəki məhkəmədə Aleksandr Vins zala gətirdiyi 18 sm uzunluğundakı mətbəx bıçağını çıxarıb qadına qəfildən hücum edir və 16 dəfə onu bıçaqlayır. Bətnində üçaylıq körpəsiylə hamilə olan əl-Şirbini həlak olur.  Misir, İran və bir çox ölkələrdə bu hadisəni eşidən minlərlə müsəlman Almaniya səfirlikləri qarşısında etiraz aksiyaları keçirir. İranda Vinsin ölümünə fitva verilir. Almaniya kansleri Angela Merkel Misir prezidenti Hüsnü Mübarəkə başsağlığı verir, amma ictimaiyyət üçün açıqlama vermir. Aleksandr Vins məhkəmə zalına qara maska və eynəkdə gəlir, xaricilərə nifrət etdiyini və peşmançılıq hissi keçirmədiyini deyir. Baxmayaraq ki, Vins elə özü də Almaniyaya gəlmədir. Əsl adı Aleksandr Yeqoroviç Nelsin olan Vins Rusiyada, Permdə doğulub, Qazaxıstanda anasıyla yaşayıb. Almaniyaya 2003-cü ildə, əl-Şirbinidən cəmi bir il əvvəl gəlib. Prosesin sonunda, noyabrın 9-da prokuror müttəhimə ən ağır cəza – ömürlük həbs cəzası tələb edib. Ancaq Rusiya Baş Prokurorluğundan gələn məktubda Aleksandr Vinsin şizofreniyadan əziyyət çəkdiyi bildirilir. Müdafiə tərəfi bu üzdən Vinsin qətli törədərkən anlaqlı olmadığını iddia edir, cəzasının yüngülləşdirilməsini istəyib. Ancaq məhkəmə noyabrın 11-də bu vəsatətləri qəbul etməyib və Vinsə ömürlük həbs cəzası verib. |
Müsəlman qadını öldürənə ən ağır cəza verildi
Azadlıq Trend
1
'Rusiya ordusunun Cənubi Qafqazda sülhə töhfə verdiyini görməmişik' – Dövlət Departamenti
2AzadlıqRadiosunda iş imkanları
3Akif Çovdarovun 30 milyon manatlıq əmlakına dair yeni qərar: 9 il davam edən çəkişmə bitdi
4Zatulin: Rusiya sülhməramlılarının Qarabağda nə işi var?
5Fransa Azərbaycandakı səfirini geri çağırıb
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
Ətraflı məlumat üçün bura klikləyin.