Keçid linkləri

2016, 10 Dekabr, şənbə, Bakı vaxtı 08:59
Noyabrın 4-də Londonda dünyanın 5 qitəsindən gəlmiş 200-dən çox media liderinin iştirak etdiyi təntənəli mərasimdə Beynəlxalq Yayım Şirkətləri Birliyi 2009-cu ilin ən yaxşı televiziya və radio verilişlərini hazırlayan media şirkətlərinin adlarını açıqlayıb.

AzadlıqRadiosu xəbərlərin ən yaxşı işıqlandırılması nominasiyası üzrə beynəlxalq mükafata - AIB MEDIA EXCELLENCE AWARD mükafatına layiq görülüb. Müsabiqədə radionun 18 mart referendumu günü hazırladığı buraxılış təqdim edilmişdi.

AzadlıqRadiosu Azərbaycan xidmətinin direktoru Kənan Kazımoğlu mükafat münasibətilə radio əməkdaşlarını təbrik edib:

«AzadlıqRadiosu bir daha sübut etdi ki, Azərbaycanda peşəkar jurnalistlər var. Radionun işi beynəlxalq səviyyədə tanınmaqdadır. Azərbaycan xidməti peşəkar, obyektiv, qərəzsiz xəbərlər verməklə öz missiyasını davam etdirir».

Müsabiqədə AzadlıqRadiosu ilə yanaşı BBC World Service, Radio Netherlands, Russia Today, France 24, Radio Canada, Australian Broadcasting Corporation və digər şirkətlərdə iştirak ediblər.

Azərbaycan Xidməti AzadlıqRadiosunun 60 illik tarixində bu mükafata layiq görülən ilk xidmətdir.

AzadlıqRadiosuna mükafatı buna görə verdilər:

18 mart İşdən sonra proqramı (birinci hissə)

18 mart İşdən sonra proqramı (ikinci hissə)

18 mart Kontekst proqramı

Günün bütün mövzuları

Şərhləri göstər

XS
SM
MD
LG