Karaciç məhkəmədə iştirak etməkdən boyun qaçırıb

Bosniya serblərinin keçmiş lideri Radovan Karaciçin məhkəməsi bu gün müttəhimin iştirakı olmadan bərpa edilib.

Karaciç dünənki kimi bu gün də prosesdə iştirakdan imtina edib.

Karaciç bunun səbəbini işlə lazımi qədər tanış olmamasıyla izah edir.

Məhkəmə prosesin növbəti gedişi barədə qərar qəbul etməlidir.

Karaciç Bosniya müharibəsi dövründə kütləvi qırğın və hərbi cinayətlər törətməkdə ittiham olunur.