Netanyahu deyir ki, fələstinlilər İsrail dövlətini tanımalıdı

Fələstinlilərin İsrail dövlətini tanıması Yaxın Şərqdə yekun sülh razılaşmasının əldə olunmasında əsas şərtdi.

Bunu İsrailin baş naziri Benyamin Netanyahu bazar ertəsi İsrail parlamentində çıxış edərkən deyib.

Netanyahu həmçinin bu yaxınlarda BMT-nin İsraili ittiham edən hesabatını tənqid edib.

Hesabatda qeyd olunur ki, İsrailin ötən il Qəzzə bölməsində apardığı əməliyyatlar zamanı hərbi cinayətlərə yol verilib.