Keçid linkləri

2016, 09 Dekabr, Cümə, Bakı vaxtı 21:51

Q.Zahidin həbsinin əsas səbəbkarını polis saxlayıb


Qənimət Zahid 2007-ci ildə 4 il müddətinə azadlıqdan məhrum edildi

Qənimət Zahid 2007-ci ildə 4 il müddətinə azadlıqdan məhrum edildi

«Azadlıq» qəzetinin baş redaktoru Qənimət Zahidin həbsində yaxından adı keçən Sevgiladə Quliyeva saxlanıb. Daxili İşlər Nazirliyinin mətbuat xidmətinin əməkdaşı Ehsan Zahidov deyib ki, Sevgiladə Quliyeva saxlanarkən onun üzərindən narkotik maddə aşkarlanıb:

«1975-ci il təvəllüdlü Sevgiladə Quliyevanı Xətai rayon polis idarəsinin əməkdaşları saxlayıblar. Onun üzərindən heroin aşkarlanıb. Birdə o xəstəxanaların birində vətəndaşın əl çantasından qızıl və zinət əşyalarını oğurlamaqda günahlandırılır. Hazırda istintaq gedir».

Polis axtarışında olan Sevgiladə Quliyeva. İyul 2008
Sevgiladə Quliyevanın adı bundan əvvəl «Azadlıq» qəzetinin baş redaktoru Qənimət Zahidin həbsində keçirdi. İstintaqın iddiasına görə, Vüsal Qasımov Qənimət Zahidin məhz Sevgiladə Quliyevaya sevgi komplimenti söyləməsindən sonra onunla dalaşmışdı.

Bundan sonra baş redaktor 2007-ci ildə 4 il müddətinə azadlıqdan məhrum edildi.

Ancaq Qənimət Zahidin vəkilləri iddia edirdilər ki, bu, baş redaktora qarşı qurulmuş oyundur. Əslində Sevgiladə Quliyeva polis axtarışındadır, istintaq Qənimət Zahidi şərləmək üçün ondan və Vüsal Qasımovdan istifadə edib.

Beynəlxalq hüquq müdafiə təşkilatları Qənimət Zahidin, eləcə də həbsdə olan digər jurnalistlərin məhz peşə fəaliyyətinə görə həbs edildiyini bildirir və dərhal azad olunmalarını tələb edir.

Günün bütün mövzuları

Şərhləri göstər

XS
SM
MD
LG