Keçid linkləri

2016, 06 Dekabr, çərşənbə axşamı, Bakı vaxtı 12:23
Yaponiyada bir ayı ölkənin mərkəzi yollarından birində doqquz adamı yaralayıb. Bundan sonra isə bir hədiyyə dükanına girən ayını vurub öldürüblər.

Hadisə sentyabrın 19-da paytaxt Tokyonun 230 kilometrliyindəki kiçik Nyukava şəhərində baş verib. 1.3 metr hündürlüyündə olan qara ayı əvvəlcə avtobus vağzalında turistlərə hücum edib. Sonra isə vağzalın gözləmə zalına çıxaraq orada suvenir mağazasına girib. Mağazada isə onu təhlükəsizlik xidmətinin əməkdaşı güllələyərək öldürüb.

Ayının hücum etdiyi doqquz adamın yarası o qədər də təhlükəli deyil.

Soçidə isə iki leopardı saxlandıqları qəfəsdən təbiətə buraxıblar. Bunun üçün dünən keçirilən xüsusi mərasimdə Rusiyanın baş naziri Vladimir Putin də iştirak edib.

Rusiya pişikkimilərin Qafqaza buraxılması üçün xüsusi proqram həyata keçirir.

Həddən artıq öldürüldüyündən Qafqaz leopardı 1920-ci illərdən bu regionda qurtarmışdı. Dünən təbiətə buraxılan iki dişi leopardı isə Türkmənistan prezidenti Qurbanqulu Bedumuhammedov təyyarə ilə Soçiyə göndərmişdi. Onları Türkmənistanda tutublarmış.

Bu, xüsusi təbiətin qorunması proqramı 2014-cü ildə Soçidə keçiriləcək Qış Olimpiadası ilə əlaqədar həyata keçirilir. Onun yavaş-yavaş Soçidəki milli parkda yayılması nəzərdə tutulur.

Günün bütün mövzuları

XS
SM
MD
LG