Keçid linkləri

2016, 10 Dekabr, şənbə, Bakı vaxtı 13:12

Prokuror Mərkəzi Bankın keçmiş işçilərinə cəza tələb etdi


Avqustun 18-də Ağır Cinayətlərə Dair İşlər üzrə Məhkəmədə Mərkəzi Bankdan 7 milyard manatın oğurlanmasında (1 milyon 400 min yeni manat) təqsirləndirilən şəxslərə cəza tələb olunub.

Prokuror Mərkəzi Bankın Saxlanc şöbəsinin rəisi, vəzifə səlahiyyətlərindən sui-istifadə etməkdə təqsirləndirilən Firəngiz Hacıyevaya 5, Hesablaşma departamentinin kassa-əməliyyat şöbəsinin rəisi Ərşad Cəlilova 6, xəzinədarlar Şahnaz Səmədovaya 10, Nazilə Bağırovaya 10, Könül İsmayılovaya 10, Səbinə Məmmədovaya isə 3 il müddətinə azadlıqdan məhrumetmə cəzası təyin edilməsini istəyib.

İttihama görə, təqsirləndirilən şəxslər 2003-2008-ci illərdə Mərkəzi Bankdan qeyd olunan məbləğdə pul vəsaitinin oğurlanmasında birbaşa iştirak ediblər.

İbtidai istintaqın qənaətinə görə, oğurluq Mərkəzi Bankın əsas binasında və Nərimanov rayonu ərazisində yerləşən «Xəzinə-2» deyilən binada baş verib.

Təqsirləndirilən şəxslər özlərini ittihamlar üzrə təqsirli bilməyiblər. Onlar məhkəmə ifadələrində bildiriblər ki, qeyd edilən pul kütləsini xəzinədən gizli yolla çıxarmaq qeyri-mümkündür. Müəmmalı şəkildə yoxa çıxmış pulların taleyinə aydınlıq gətirilməsi üçün Mərkəzi Bankın İdarə Heyətinin sədri Elman Rüstəmovun məhkəməyə dəvət olunmasını xahiş ediblər. Təqsirləndirilən şəxslərin bununla əlaqədar vəsatətləri hakim tərəfindən təmin edilməyib.

Günün bütün mövzuları

XS
SM
MD
LG