Keçid linkləri

2016, 10 Dekabr, şənbə, Bakı vaxtı 01:29
Rusiya prezidenti Dmitri Medvedev bu yaxınlarda ABŞ-a səfəri zamanı bu ölkənin disidentləri ilə görüşməyi planlaşdırır. “İtar-Tass” agentliyinin məlumatına görə bu barədə prezidentin özü məlumat verib.

O, sentyabrın 15-də “Valdai” Beynəlxalq Debat Klubunun üzvləri ilə görüşündə deyib: “Məncə, disidentlərlə görüşməliyəm. Qoy, onlar mənə ABŞ-da hansı problemlərlə üzləşdiklərini desinlər”.

Dmitri Medvedevin ABŞ-a səfəri sentyabrın 22-25-ə planlaşdırılır. O, ABŞ-a BMT Baş Assambleyasının və Böyük 20-lik ölkələri liderlərinin toplantısı üçün gedir.

Bu ilin iyulunda Rusiyada səfərdə olarkən ABŞ prezidenti Barak Obamanın müxalifət liderləri ilə də görüşməsi Kremli qəzəbləndirmişdi.

O zaman Kremldəki bu qəzəbi hiss edən Obama administrasiyasının təmsilçiləri demişdilər ki, ABŞ-ın xarici siyasətinin formalaşmasından insan haqlarının rolunu gizlədə bilməzlər.

İndi bunun əvəzini çıxırmış kimi danışan Medvedevin ABŞ-da məhz hansı disidentlərlə görüşəcəyi hələlik məlum deyil. Bunun üçün ABŞ-da solların təmsilçisi, dilçi Noam Çomski, sənədli filmlər çəkən Maykl Mur, repçi Keni West yaxşı namizədlər ola bilər.

Günün bütün mövzuları

Şərhləri göstər

XS
SM
MD
LG