Hüquq müdafiəçisi Leyla Yunus Səbayel rayon Məhkəməsinin hakimi Araz Hüseynovu gənc bloqqerlər Emin Milli və Adnan Hacızadənin işinə ədalətlə baxmağa çağırıb: «Adnan Hacızadə və Emin Millinin işinə dünya ictimaiyyətinin diqqəti yönəlib. Gənclərin azad olunması haqda bəyanat və tələbnamələr səsləndirən bütün beynəlxalq təşkilatları sadalamağın mənası yoxdur. Yalnız sadalamaq ən azı bir səhifə yer tutar. Mənim 20 illik təcrübəmdə bu, ilk belə ümumi həmrəylik və fəallıq halıdır. Bu bir daha onu göstərir ki, bu, nadir, yeganə şansdır. Bu şansı dəyərləndirmək məhz sizə düşüb. Onu qaçırmayın! Siz ancaq şərəflə və professionallıqla hakim borcunu yerinə yetirməlisiniz. İşə açıq, qanun və ədalət əsasında baxmalısınız. Siz vicdanlı professional və vətəndaş olmalısınız». Adnan Hacızadə və Emin Milli bu il iyulun 8-də «Lebanese» restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır xəsarət vurmaqda ittiham olunurlar. Gənc fəallar ittihamları qəbul etmirlər və həbslərinin sifarişli olduğunu deyirlər. |
Buna da bax:
Azadlıq Trend
1
'Rusiya ordusunun Cənubi Qafqazda sülhə töhfə verdiyini görməmişik' – Dövlət Departamenti
2AzadlıqRadiosunda iş imkanları
3Akif Çovdarovun 30 milyon manatlıq əmlakına dair yeni qərar: 9 il davam edən çəkişmə bitdi
4Fransa Azərbaycandakı səfirini geri çağırıb
5Elmar Məmmədyarov: 'Yəqin ki, bu alınmadı və qərar bölgəni tərk etmələri oldu'
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
Ətraflı məlumat üçün bura klikləyin.