Keçid linkləri

logo-print
2016, 03 Dekabr, şənbə, Bakı vaxtı 10:52

Bakı İslam Universiteti lisenziya aldı


Universitetin şöbələri gələcəkdə mədrəsə statusunda fəaliyyətini davam etdirə bilər

Universitetin şöbələri gələcəkdə mədrəsə statusunda fəaliyyətini davam etdirə bilər

Avqustun 26-da Təhsil Nazirliyi Bakı İslam Universitetinə 5 illik müddətə lisenziya verib. Bu lisenziya ilə Azərbaycan təhsil tarixində ilk dəfə olaraq dini təhsil dövlət standartlarına uyğunlaşdırılıb.

Bu barədə Bakı İslam Universitetinin rektoru Hacı Sabir Həsənli «Turan»a bildirib.

Onun sözlərinə görə, lisenziyaya uyğun olaraq, bakalavr pilləsi 4 il, magistr pilləsi isə 2 il müddətində olacaq.

Rektor bildirib ki, bu ildən ilk dəfə olaraq magistr pilləsinə qəbul aparılacaq. «Bu il qəbul daxili testlə keçiriləcək. Gələn ildən isə universitetin bakalavr və magistr pilləsinə qəbul qaydalarına yenidən baxılacaq».

Hazırda Bakı İslam Universitetində 490 tələbə, universitetin Mingəçevir, Zaqatala, Lənkəran və Sumqayıt şöbələrində isə 650 tələbə təhsil alır. Bu ildən universitetin Mingəçevir, Zaqatala, Lənkəran və Sumqayıt şöbələrinə qəbul dayandırılıb. «Ancaq şöbələrdəki bütün tələbələr təhsilini davam etdirəcək və təhsilini müvəffəqiyyətlə başa vuran tələbələr diplomla təmin ediləcək», - deyə S.Həsənli bildirib.

Rektorun sözlərinə görə, universitetin şöbələri gələcəkdə mədrəsə statusunda fəaliyyətini davam etdirə bilər. «Şöbələr qanuna uyğun olaraq dövlət rüsumunu ödəməklə lisenziya almaq hüququna malikdir», - deyə o qeyd edib.

Günün bütün mövzuları

Şərhləri göstər

XS
SM
MD
LG