Amerika, İsrail və Fələstin muxtariyyəti rəhbərlərinin görüşü sentyabrda Nyu-Yorkda baş tuta bilər. Bunu İsrailin BMT-dəki səfiri Qabriela Şalev deyib. Səfir bu barədə ətraflı məlumat verməkdən çəkinib.
Bazar ertəsi İsrail hökumətinin yüksək vəzifəli nümayəndəsi Londonda Frans Press agentliyinə demişdi ki, üçtərəfli görüş təşkil etməyə cəhd göstərirlər. Qeyri-rəsmi görüşdə Amerika prezidenti Barak Obama, İsrailin baş naziri Binyamin Netanyahu və Fələstin muxtariyyətinin lideri Mahmud Abbasın iştirakı nəzərdə tutulur.