İyulun 27-də Dini Etiqad və Vicdan Azadlığını Müdafiə Mərkəzinin (DEVAMM) bir qrup fəalı ABŞ-ın Bakıdakı səfirliyinin qarşısında piket keçirməyə cəhd göstərib. Piketçilər İsrailin Livana hərbi müdaxiləsinə Amerikanın münasibətindən narazılıqlarını birdirmək istəyiblər.
Polis piketin qarşısını alıb. Aksiya iştirakçılarından bir neçə nəfər saxlanılaraq Nəsimi Rayon 21-ci Polis Bölməsinə aparılsa da, bir qədər sonra sərbəst buraxılıblar.
DEVAMM-ın üzvləri belə bir aksiyanı bir gün əvvəl İsrailin Azərbaycandakı səfirliyi qarşısında keçirməyə cəhd etmişdilər.