Keçid linkləri

logo-print
2016, 04 Dekabr, bazar, Bakı vaxtı 06:19

Sulutəpədəki toqquşma ilə bağlı daha 4 nəfər saxlanıldı


Baş vermiş toqquşmada 20 nəfər rəsmi şəxs müxtəlif dərəcəli bədən xəsarətləri alıb
Sulutəpə yaxınlığında vətəndaşlarla Dövlət Neft Şirkətinin əməkdaşları və polis arasında baş vermiş kütləvi iğtişaşla əlaqədar daha 4 nəfər saxlanılıb.

Bu barədə APA-ya Binəqədi rayon Polis İdarəsindən məlumat verilib.

Bundan bir neçə gün əvvəl isə iğtişaşların iştirakçıları olan 3 nəfər saxlanılıb.

Hazırda hadisənin digər iştirakçılarının müəyyən edilərək tutulması istiqamətində əməliyyat-istintaq və axtarış tədbirləri davam etdirilir.

Binəqədi rayon Polis İdarəsindən həmçinin bildirilib ki, hadisə nəticəsində xəsarət alan polis əməkdaşlarının hamısı evə buraxılıb.

Sulutəpə qəsəbəsi ərazisində, Hökməli kəndi yaxınlığında vətəndaşlarla rəsmi şəxslər arasında qarşıdurma avqustun 5-də baş verib. Nəticədə neft şirkəti işçilərindən və polis əməkdaşlarından 20 nəfəri müxtəlif dərəcəli bədən xəsarətləri alıb.

Faktla əlaqədar Bakı şəhər Prokurorluğunda cinayət işi başlanıb.

Günün bütün mövzuları

XS
SM
MD
LG