Keçid linkləri

2016, 11 Dekabr, bazar, Bakı vaxtı 00:45

Türkiyənin ən böyük həmkarlar təşkilatı 1 saatlıq tətil keçirib


Hökumət hər hansı addım atmasa, tətillər bütün Türkiyəni əhatə edə bilər

Hökumət hər hansı addım atmasa, tətillər bütün Türkiyəni əhatə edə bilər

Türkiyənin ən böyük həmkarlar ittifaqı olan Türk-İş təşkilatının 241 min üzvü iyulun 7-də qanundan irəli gələn haqlarından istifadə edərək işə 1 saat gec başlayıblar. Təşkilat bu addımı hökumətin fəhlələrin maaşını lazımi qədər artırmamasına etiraz əlaməti olaraq atıb.

Hökumətlə Türk-İş arasında bir müddətdir ki, davam edən maaş artımı müzakirələrində razılıq əldə edilməməsindən sonra baş nazir Ərdoğan fəhlələrin tətil etməkdə sərbəst olduqlarını bildirmişdi. Türk-İş sədri Mustafa Kumlu 7 iyulda 1 saatlıq tətil edəcəklərini, hökumətin bu xəbərdarlıqdan nəticə çıxarmaması halında isə daha uzun müddətli tətil aksiyalarını keçirəcəklərini açıqlamışdı.

Türk-İş təşkilatının ilk aksiyasının maaş artımına təsiri olmazsa, ölkənin digər böyük həmkarlar təşkilatları olan DİSK, KESK və Hak-İŞ də tətilə gedəcəklərini açıqlayıblar.

Günün bütün mövzuları

XS
SM
MD
LG