BP-nin regional direktoru David Peattie bildirib ki, onlar əsas diqqətlərini Azərbaycana və Rusiyaya yönəltmək istəyirlər.
BP tərəfdaşları ilə birlikdə Xəzərdə Azərbaycanın neft yataqlarına 20 milyard dollara qədər pul qoyub və hazırda buradan gündə bir milyon barrel xam neft əldə edir.
David Peattie deyib ki, onlar bütün regiona eyni dərəcədə diqqət yetirə bilməzlər. Hələlik Azərbaycandakı və Rusiyadakı əməliyyatlarını genişləndirmək istəyirlər.
Bu arada isə Rusiyanın «Lukoil» şirkəti BP-nin Xəzər Kəmərləri Konsorsiumundakı 12.5%-lik, Qazaxıstanın «TengizChevrOil» şirkətindəki payının 5%-ni almağa razılaşıb.
«Lukoil»un direktoru Vahid Ələkbərov hələ bu ayın əvvəlində bildirmişdi ki, BP-nin Qazaxıstandakı əmlakını 1.5 milyard dollara ala biləcəyini düşünür.
David Peattie isə deyir ki, onlar «Lukoil»la çox şeyi razılaşdırıblar. Keçidin Qazaxıstan hökumətinin istədiyi şəkildə baş tutuması bir neçə ay çəkə bilər.
Qazaxıstanın «Kazmunayqaz» şirkəti də BP-nin Xəzər Enerji Konsorsiumundakı payının bir hissəsini almaq üçün 250 milyon dollar vermişdi.
BP-nin regional direktoru David Peattie hesab edir ki, borcları da hesablayanda Qazaxıstandan 2 milyard dollara çıxa biləcəklər.
