«ABŞ-da məmuru söymək olar, adi vətəndaşı isə yox»

«ABŞ mətbuatında tənqid böyük yer alır. Hətta sərt tənqid və diffamasiya da. Amma sonuncunu adi vətəndaşa qarşı mətbuat işlədə bilmir».

ABŞ-dan səfərdən qayıdan «Azadlıq» radiosunun əməkdaşı Ziya Məcidli «İşdən sonra» proqramında belə deyib.

Onun sözlərinə görə, Birləşmiş Ştatlarda adi vətəndaş mətbuata qarşı məhkəmə işi qaldıra və prosesi uda da bilər. Amma məmur bu hüquqa malik deyil:

«Mətbuat məmuru istənilən qədər sərt tənqid edə bilər. Məmurun isə, hətta prezident Barak Obama, Dövlət katibi Hillari Klintonun belə heç bir hüququ yoxdur ki, həmin KİV-ə təzyiq göstərsin, onu məhkəməyə cəlb etsin və bağlatdırsın».