Müsavat başqanı İsa Qəmbər aprelin 29-da səhər saat 11-dən 15:30-dək Bakı şəhər Baş Polis İdarəsində ifadə verib.
O, bir neçə gün öncə də ifadə vermişdi.
İsa Qəmbər AzadlıqRadiosuna deyib ki, BŞBPİ-də təkrar dindirilməsini istintaqın gedişində yeni sualların yaranması ilə izah ediblər:
«Mənə verilən suallar yenə də 2 aprel mitinqi, İctimai Palatanın idarə olunma prinsipləri və qərar qəbul olunma proseduru ilə bağlıydı. Eyni zamanda, mənim bir sıra çıxışlarımdan, əsasən İctimai Palatanın sessiyalarındakı çıxışlarımdan, mitinq mövzusundakı çağırışlarımdan sitatlar gətirərək suallar verirdilər».
İsa Qəmbər deyir ki, istintaqa çağırılması onu İctimai Palatanın sessiyasında iştirakdan məhrum edib. O, başqa gün ifadə verməyi təklif etsə də, qarşı tərəf razılaşmayıb:
«İstintaqın gedişindən nə gözləyirsiz, yeni həbslər mümkündürmü» sualına Müsavat başqanı belə cavab verdi:
«Məsələnin hüquqi tərəfini götürəndə, nə yeni ifadələrə ehtiyac var, nə də həbslərə. Bu həbslər qanunsuzdur, cinayət işi də saxta və quramadır. Buna görə də mitinq təşkilatçılarına qarşı saxta cinayət işinə xitam verilməlidir. Əksinə, mitinqin qarşısını alanlarla bağlı araşdırma aparılmalıdır. Bu, məsələnin hüquqi tərəfidir. Amma bizim hakimiyyətdən hər cür qeyri-adi, analoqu olmayan qərarlar gözləmək olar».
Müsavat başqanının «həbsinizi gözləyirsizmi» sualına verdiyi cavabı da eşidək:
«Bizim narahatlığımız yoxdur. Öz mövqeyimizə də, repressiyalara dözümümüzə də əminik».
İctimai Palatanın 2 aprel mitinqi ilə bağlı Cinayət Məcəlləsinin 233-cü maddəsi ilə iş açılıb, 10-dan artıq müxalifətçi həbs edilib.
O, bir neçə gün öncə də ifadə vermişdi.
İsa Qəmbər AzadlıqRadiosuna deyib ki, BŞBPİ-də təkrar dindirilməsini istintaqın gedişində yeni sualların yaranması ilə izah ediblər:
«Mənə verilən suallar yenə də 2 aprel mitinqi, İctimai Palatanın idarə olunma prinsipləri və qərar qəbul olunma proseduru ilə bağlıydı. Eyni zamanda, mənim bir sıra çıxışlarımdan, əsasən İctimai Palatanın sessiyalarındakı çıxışlarımdan, mitinq mövzusundakı çağırışlarımdan sitatlar gətirərək suallar verirdilər».
İsa Qəmbər deyir ki, istintaqa çağırılması onu İctimai Palatanın sessiyasında iştirakdan məhrum edib. O, başqa gün ifadə verməyi təklif etsə də, qarşı tərəf razılaşmayıb:
«İstintaqın gedişindən nə gözləyirsiz, yeni həbslər mümkündürmü» sualına Müsavat başqanı belə cavab verdi:
«Məsələnin hüquqi tərəfini götürəndə, nə yeni ifadələrə ehtiyac var, nə də həbslərə. Bu həbslər qanunsuzdur, cinayət işi də saxta və quramadır. Buna görə də mitinq təşkilatçılarına qarşı saxta cinayət işinə xitam verilməlidir. Əksinə, mitinqin qarşısını alanlarla bağlı araşdırma aparılmalıdır. Bu, məsələnin hüquqi tərəfidir. Amma bizim hakimiyyətdən hər cür qeyri-adi, analoqu olmayan qərarlar gözləmək olar».
Müsavat başqanının «həbsinizi gözləyirsizmi» sualına verdiyi cavabı da eşidək:
«Bizim narahatlığımız yoxdur. Öz mövqeyimizə də, repressiyalara dözümümüzə də əminik».
İctimai Palatanın 2 aprel mitinqi ilə bağlı Cinayət Məcəlləsinin 233-cü maddəsi ilə iş açılıb, 10-dan artıq müxalifətçi həbs edilib.
