Dünya bazarlarında neftin qiyməti yenidən rekord həddə çatıb. Nyu-Yorkda elektron hərraclarda neftin 1 barrelinin qiyməti 78 dolları keçib. Analitiklər tezliklə bu rəqəmin 80 dollara çatacağını güman edirlər. Buna səbəb kimi Yaxın Şərqdə vəziyyətin pisləşməsi göstərilir. Hərbi əməliyyatlara başlayan İsrail və Livan neft hasilatında iştirak etməsələr də, analitiklər digər region dövlətlərinin də münaqişəyə cəlb ediləcəyindən ehtiyatlanırlar.