Lerik rayonunda yanacaqdoldurma məntəqəsində yanğın baş verib. İyulun 5-də gecə saatlarında baş verən hadisə nəticəsində 2 nəfər xəsarət alıb. Lerik Rayon İcra Hakimiyyətindən verilən məlumata görə, yanğın geniş ərazini əhatə edib, buna görə qonşu rayonların yanğınsöndürənləri əraziyə cəlb olunub. Yanğın səhər saat 5-də söndürülüb. Xəsarət alanlar rayonun Mərkəzi Xəstəxanasına yerləşdirilib. Faktla bağlı araşdırma aparılır.