Keçid linkləri

logo-print
2016, 05 Dekabr, Bazar ertəsi, Bakı vaxtı 12:31

«Kommersant» qəzeti: «Rusiya Azərbaycana silah sata bilər»


İlham Əliyevin Moskva səfərinə Rusiyanın aparıcı qəzetlərindən biri olan «Kommersant» yer ayırıb

İlham Əliyevin Moskva səfərinə Rusiyanın aparıcı qəzetlərindən biri olan «Kommersant» yer ayırıb

İlham Əliyevin Moskva səfərinə Rusiyanın aparıcı qəzetlərindən biri olan «Kommersant» da öz səhifələrində yer ayırıb.

Qəzet yazır ki, Rusiya enerji sahəsində danışıqlarla yanaşı həm də Qarabağ danışıqlarında təşəbbüslərini davam etdirir. İyunda Sankt-Peterburqda Rusiya, Azərbaycan və Ermənistan liderlərinin iştirakı ilə Qarabağ sammitinin keçirilməsinə hazırlıq gedir.

Bunun həmin şəhərdəki iqtisadi forum çərçivəsində təşkili planlaşdırılır. «Kommersant» yazır ki, Ermənistanda Kollektiv Təhlükəsizlik Müqaviləsi Təşkilatına daxil ölkələrin toplantısında iştirak edən Rusiyanın xarici işlər naziri Lavrov Ermənistan prezidentinin həmin görüşdə iştirakına razılıq alıb. Hərçənd Ermənistan prezidentinin ofisindən deyiblər ki, Sarkisyanın sammitdə iştirakı onun Rusiyaya gələn həftənin axırındakı səfərində tam dəqiqləşəcək. Qəzet yazır ki, eyni məsələ Medvedevlə Əliyevin də görüşünün müzakirə mövzusudur.

«Kommersant» yazır ki, iyundakı sammit Rusiyanın təşəbbüsü əldən verməmək, bir növ Qərb ölkələrinin problemin həllində vasitəçilik cəhdlərinə cavabdır. Çünki mayda Avropa Birliyinin təşəbbüsü ilə Praqada «Şərq Əməkdaşlığı» Planı sammiti çərçivəsində də İlham Əliyevlə Serj Sarkisyanın görüşü planlaşdırılıb.

Qəzet iddia edir ki, əgər Ermənistan və Azərbaycan Rusiyanın vasitəçilik təkliflərindən istifadə etsələr, hər ikisini mükafat gözləyə bilər. Qlobal iqtisadi böhrandan əziyyət çəkən Ermənistana maliyyə yardımı edilə bilər. İllərdir Rusiyadan silah, xüsusən də tank, top, tank əleyhinə silah və zenit-raket qurğuları almaq istəyən, amma Ermənistanla münaqişəyə görə Moskvanı buna razı sala bilməyən Azərbaycan isə nəhayət ki bu istəyinə çata bilər.

Qəzet ehtimal edir ki, Azərbaycanın bu istəyinə ilkin olaraq elə Medvedevlə Əliyevin görüşündə «yaşıl işıq» yandırıla bilər. Hər halda bu «Kommersant»ın iddialarıdır.

Günün bütün mövzuları

Şərhləri göstər

XS
SM
MD
LG