«İndoneziyada baş verən zəlzələdə zərərçəkənlər arasında bu ölkədə yaşayan Azərbaycan vətəndaşları olmayıb». Bunu «Azadlıq» radiosuna Xarici İşlər Nazirliyinin Mətbuat və İnformasiya Siyasəti İdarəsinin rəhbəri Tahir Tağızadə bildirib. Onun sözlərinə görə, bununla bağlı İndoneziyanın Azərbaycan səfirliyilə əlaqə saxlayıblar.
Azərbaycanın bu ölkəyə yardım edib-etməyəcəyinə gəlincə isə, cənab Tağızadə bu məsələnin hələlik müzakirə olunmadığını deyib.