Keçid linkləri

logo-print
2016, 03 Dekabr, şənbə, Bakı vaxtı 22:01

Ümumdünya Səhiyyə Təşkilatı Salyanda «quş qripi» ocağını axtarır<p align=`left`><br><br>


Səs: Real audio
«Arxayınçılığa əsas yoxdur» Son on gündə Salyanda "quş qripi"nə yoluxmaqda şübhəli yeni xəstə olmasa da, rayondakı mütəxəssislərlə görüşən Ümumdünya Səhiyyə Təşkilatı [ÜST] əməkdaşları bildiriblər ki, arxayınçılığa əsas yoxdur. Çünki ocaq istənilən an qızışa bilər.



Bu haqda Salyan rayon Mərkəzi Xəstəxanasının baş həkimi İbrahim Cəfərov məlumat verdi. Onun sözlərinə görə, ÜST-nin əməkdaşları "quş qripi"nə yoluxmaqda şübhəli bilinən şəxslərin yaşadıqları Dayıkənddə olaraq xəstəliyin mənbəyini müəyyənləşdirməyə çalışıblar. Amma baş həkim deyir ki, xarici mütəxəssislər hələlik onlara hər hansı məlumat vermirlər. ÜST-nin mütəxəssisləri "quş qripi"nə yoluxmaqda şübhəli bilinən Ruhəngiz və Gülgəz Rüstəmovaların yaşadıqları Marışlı kəndinə də baş çəkməyi planlaşdırırlar.



ÜST-nin sözçüsü Kristiana Salvi isə hazırda Salyanda görüşlər keçirdiklərini və xəstəliyin mənbəyinin müəyyənləşdirilməsi ilə bağlı yalnız martın 20-də açıqlama verə biləcəyini söylədi.



Azərbaycanda "quş qripi" fevralın 9-da tapılıb. İnsanda "quş qripi"nin olub-olmaması ÜST-nin London laboratoriyasındakı təkrar müayinələrdən sonra məlum olacaq. Azərbaycandakı ilkin laborator müayinələr üç insanın virusa yoluxduğunu təsdiqləyib. London laboratoriyasının cavabları növbəti həftənin əvvəllərində verilməlidir.

Günün bütün mövzuları

XS
SM
MD
LG