Keçid linkləri

2024, 28 Mart, Cümə axşamı, Bakı vaxtı 15:54

«Neftçi» «Birlik Kuboku»nu qazandı


Səs: Real audio
Mahir Rüstəmli: «Bu, növbəti qələbələr üçün pilləkən rolunu oynamalıdır» Azərbaycanın futbol çempionu – "Neftçi" komandası MDB Kubokunu qazanıb. O, Moskvada Litvanın "Kaunas" komandası ilə final görüşündə 4:2 hesabıyla qalib gəlib. Qolları rəqib qapısından Nadir Nəbiyev, Vadim Borets, Branimir Subaşiç və Svyatoslav Stefanov keçirib.



Yanvarın 14-dən 22-dək Moskvada keçirilən 14-cü "Birlik Kuboku" turnirinin ¼ finalında "Neftçi" Daşkəndin "Paxtakor" komandasına qalib gəlib, yarımfinalda isə Yerevanın "Pünik" klubu ilə oynamalıydı. Lakin "Pünik" təhlükəsiz səbəblərini əsas gətirərək "Neftçi" ilə oynamaqdan imtina edib və "Neftçi"yə texniki qələbə verilib – 3:0



MDB Kuboku 1990-cı illərdəki kimi nüfuzlu sayılmasa da, regionda çəkisi olan turnirlərdəndir.



"Futbol+" qəzetinin baş redaktoru Mahir Rüstəmli deyir ki, "Neftçi" uzun müddət titulsuzluqdan əziyyət çəkib. Buna görə də bu qələbədən sonra MDB Kubokunun nüfuzunu müzakirə etmək düzgün deyil:



"Titul tituldur, bununla "Neftçi" bütün keçmiş Sovet məkanına göstərdi ki, mən varam. Həm də bu, növbəti qələbələr üçün pilləkən rolunu oynamalıdır".



Ötən il "Neftçi" MDB Kuboku turnirində gümüş medal qazanıb.
XS
SM
MD
LG