ABŞ Xəzərdən qara kürü və ağ balıq idxalını qadağan edib

Həsən Kərimovun səhhətinin 25 sentyabr mitinqində polisin ona qarşı zoraklıq işlətməsindən sonra ağırlaşdığı bildirilir Qadağa Rusiya, İran, Azərbaycan, Qazaxıstan və Türkmənistana aiddir. Qərar bu gündən qüvvəyə minir. Bu barədə "Financial Times" qəzeti məlumat verib.



Amerika Təbiəti Mühafizə İdarəsinin qadağa qoymasına səbəb Xəzər ölkələrinin kökü kəsilməkdə olan balıq növlərinin ovlanmasını qadağan edən qanunlardan imtina etməsidir.



- Sentyabrın 30-da Bakıda Azərbaycan prezidenti İlham Əliyev və Finlandiya prezidenti Tarya Halonenin, eləcə də iki ölkənin işgüzar dairələrinin iştirakı ilə biznes-forum öz işinə başlayıb.



İqtisadi inkişaf naziri Fərhad Əliyev tibb və elektrik avadanlıqları istehsalı, kimya və neft-kimya, eləcə də bank xidmətləri sahəsində Finlandiya şirkətləri ilə əməkdaşlığın genişləndirilməsinin məqsədəuyğunluğunu vurğulayıb. Bundan əlavə, o bildirib ki, Finlandiya şirkətləri su təminatı sisteminin yaxşılaşdırılması, çirkab sularının təmizlənməsi və zibil emalı layihələrində iştirak edə bilərlər. Forumda müxtəlif sahələrdə fəaliyyət göstərən 12 Finlandiya şirkəti iştirak edir.



- Sentyabrın 30-a olan məlumata görə, Milli Bankda 1 dollar 4 593, 1 avro 5 535, 1 rubl isə 161 manatdır.