Keçid linkləri

logo-print
2016, 03 Dekabr, şənbə, Bakı vaxtı 21:37

Təşviqat qrupları pozuntular aşkarlayıb


Referendum üzrə təşviqat qrupları - «Qarabağ və Respublika uğurunda» və «Respublikaçılar» qruplarının mətbuata açıqlamasında deyilir ki, 67 saylı Cəlilabad seçki dairəsinin 6 saylı seçki məntəqəsinə seçicilər PAZ markalı və dövlət nişanlı avtobusla daşınır.

71 saylı Masallı kənd seçki dairəsinin 2 saylı seçki məntəqəsində seçicilərə dəstə şəklində seçki bülletenləri verilməsini aktlaşdıran müşahidəçi seçki məntəqəsindən kənarlaşdırılıb.

Təşviqat qruplarının məlumatımda deyilir ki, 41 saylı Sumqayıt birinci seçki dairəsinin 17 saylı seçki məntəqəsində müşahidəçinin əldə etdiyi məlumata görə axşam saat 1 radələrində seçki komissiyasının üzvləri 500-dən artıq seçki bülleteninin bütün maddələrində «hə» cavabı işarələnərək hazır saxlanılıb.

125 saylı Zəngilan-Qubadlı seçki dairəsinin 29 saylı məntəqəsində seçici siyahısındakı seçicilərin sayı 1552 nəfər göstərilib ki, bu da Seçki Məcəlləsinin 35.3.1 maddəsinə ziddir.

Günün bütün mövzuları

XS
SM
MD
LG