Keçid linkləri

2016, 11 Dekabr, bazar, Bakı vaxtı 14:27

Təşviqat qruplarının sayı yeddiyə çatdı


MSK təşəbbüs qruplarının təsdiqlənməsinə fevralın 11-nə kimi baxacaq

MSK təşəbbüs qruplarının təsdiqlənməsinə fevralın 11-nə kimi baxacaq

Mərkəzi Seçki Komissiyası (MSK) konstitusiyaya əlavə və dəyişikliklərin edilməsi üzrə referendum üçün təşviqat qrupu qismində «Davamlı İnkişaf Naminə» və «Zəka» təşviqat qruplarını qeydiyyata alıb. Qərar komissiyanın fevralın 9-da keçirilən iclasında qəbul olunub.

MSK-nın katibi Natiq Məmmədov deyib ki, «Davamlı İnkişaf Naminə», həmçinin «Zəka» qrupunun topladığı imzaların 42 mindən çoxu etibarlıdır.

Bu vaxta kimi referendum üzrə «Yeni Azərbaycan», «Şəhər», «Tərəqqi», «Hüquq və demokratiya» və «Vətəndaş Cəmiyyəti» təşəbbüs qrupları MSK-da təşviqat qrupları kimi qeydiyyata alınıblar. «Abad kənd» və «Azad söz» təşəbbüs qrupları qeydiyyatdan keçməyib.

MSK 4 təşəbbüs qrupunun imzalarının təsdiqlənməsi məsələsinə hələ baxmayıb. Onların arasında müxalifət düşərgəsində yaradılan «Qarabağ və Respublika», həmçinin «Respublika» təşəbbüs qrupları da var.

MSK təşəbbüs qruplarının təsdiqlənməsinə fevralın 11-nə kimi baxacaq.

Martın 18-də Azərbaycanda ölkə Konstitusiyasına əlavə və dəyişikliklərin edilməsi üzrə referendum keçiriləcək.

Günün bütün mövzuları

Şərhləri göstər

XS
SM
MD
LG